Obengu Senator wemzini weLuveve koBulawayo njalo engumsekeli kamgcinisihlalo wohlangothi lwabesifazane kucele leMDC elikhokhelwa nguMnu. Morgan Tsvangirai, uNkosikazi Ennah Chitsa kasekho. UChitsa, obeleminyaka engamatshumi ayisithupha ubhubhe ngoLwesihlanu ekuseni emzini wakhe eLuveve ngemva kokulwisana lomkhuhlane wetshukela le High Blood Pressure.
Imfa kaChitsa yenzakale kulembiko ethi kulokudonselana kwamalunga alelibandla ukugcwalisa isikhundla sikaNkosikazi Gladys Gombami Dube obhubhe ekupheleni komnyaka odluleyo.
Kodwa lelibandla liyalandula limbiko ephume kuphephandaba le The Independent ethi kulamacele amabili, elinye likhokhelwa ngumgcinisihlalo wakoBulawayo kulelibandla, uMnu. Gorden Moyo loSenator Matson Hlalo.
UChitsa ngomunye wabasungula ibandla leMDC ngomnyaka ka 1999. UChris Gande oweStudio 7 uxoxe lomsekeli wesikhulumeli salelibandla, uNkosazana Thabitha Khumalo ngemfa kaNkosikazi Chitsa.