UMnumzana John Nkomo lamuhla ugcotshwe ukuba ngumsekeli kaMongameli Mugabe esigodlweni sikaMugabe, iStatehouse. Ngempelasonto ibandla leZanu PF ligcizelele ukukhethwa yizigaba zelizwe kukaNkomo osethatha isikhunda esitshiywe ngumuyi uMnu. Joseph Msika obhubhe ngoNcwabakazi. Kube lokuxokozela ekukhwethweni kukaNkomo abanye ababengabebandla lePF Zapu besifuna isikhundla lesi esabelwa leli bandla yisivumelwano sokumanyana kweZanu PF le PF Zapu.
Ingcwethi ecubungula ezombusazwe, uMnu. Bekithemba Mhlanga utshele uChris Gande weStudio Seven ukuthi uNkomo kamelanga sigaba seMandebeleni ngoba engakaze akhethwe ngabantu balesi sigaba lakusiphi isikhundla.
