Ikomidi yedale lephalamende ebona ngokwenzakala elizweni ithi izaqhuba imihlangano labantu endaweni ezitshiyeneyo zelizwe ezilodlakela ukuze izwisise ukuthi uhlupho lolu luvelela ngaphi andubana ikhweze izikahalazo zayo ukuthi zihlafunwe edale lephalamende.
Ikomidi le ithi izaqala ukubuza uskomitshi wamapholisa uMnu. Augustine Chihuri, ukuthi achasise ukuthi udlakela lubangelwa yini njalo amapholisa aqhuba imizamo bani ukuthi aluqede.
Ilunga lekomidi le, uMnumzana Reggie Moyo, utshele uSithandekile Mhlanga oweStudio 7 ukuthi ikomidi yakhe ilethemba lokuba ngemva kokuxoxisana lo Chihuri, amacebo okuqeda udlakela elizweni angatholakala..