Ingqwethakhulu likahulumende uMnu Johanes Tomana uthi uyaqhubeka ngokuhambisa umanyano weEuropean Union emthethwandaba phezu kodaba lwezijeziso ezafakelwa amalunga eZanu PF lanxa lumanyano wesule ezinye zalezizijeziso ngeviki edluleyo.
I EU isuse amalunga eZanu PF angamatshumi amahlanu lanye kuluhlu lwayo lwezijeziso, kodwa yaqhubeka ijezise uMongameli Mugabe lamalunga eZanu PF edlula alikhulu isithi izazesula nxa amalungelo oluntu sehlonitshwa elizweni.
UTomana utshele lumsakazo ukuthi uzakhweza udaba lolu emthethwandaba weEuropean Union Court of Justice kumalanga azayo efuna izijeziso lezi zesulwe zonke ngoba zingekho emthethweni.
Ukuhlaziya loludaba sixhume ingcwethi kwezombusazwe uMnu Brilliant Mhlanga yena othe uTomana kasoze aphumelele.
