Umkhokheli welinye lamacele eMDC uMnu Morgan Tsvangirai secele umthethwandaba weSupreme Court ukuthi wesule ukukhethwa kwabosibalukhulu bezabelo okwenziwe nguMongameli Mugabe kunyanga ezedluleyo.
Amagqwetha kaTsvangirai akhweze udaba lolu emthethwandaba ngoLwesithathu ngaphambilini kohambo lukaMongameli Jacob Zuma weleSouth Africa eHarare ngoLwesihlanu ukuyakhulumisana loMugabe, uTsvangirai loMnu Arthur Mutambara ngokuhluphayo kuhulumende womanyano.
Emaphepheni akhe, uTsvangirai uthe ufuna iHigh Court inqume ukuba ukukhethwa kwabosibalukhulu laba nguMongameli Mugabe akukho emthethweni ngoba ekwenze engakhulumisanganga laye.
Ingcwethi ecubungula ezombusazwe uMnu Effie Dlela Ncube utshele uNtungamli Nkomo weStudio 7 ukuthi linyathelo elihle kakhulu elithethwe nguMnu Tsvangirai.
