Umkhokheli welinye lamacele eMDC uMnu. Morgan Tsvangirai njalo eyinhloko kahulumende ubikwa elungiselela ukuya kwethekelela emazweni angomakhelwane ukuyadinga usekelo lwamazwe la phambilini komhlangano weSADC wokuhlaziya udaba lweZimbabwe.
Lumhlangano ukhangelelwe ukwenziwa ekuqaleni komnyaka ozayo lanxa ilanga lingakaziswa. UTsvangirai ukhangelelwe ukuqala ngokuya kwele South Africa abeselubhekisa kweleZambia.
Iziphathamandla zebanlda lakhe zalile ukuveza ukuthi uzasuka nini njalo esiya emazazweni aphi. UChrs Gande weStudio 7 uxoxe lengcwethi ecubungula ezombusazwe, uMnu. Effie Dlela Ncube othi uhambo lukaTsvangirai olwakathesi lulakho ukuletha izithelo.