Inhloko kahulumende uMnu Morgan Tsvangirai unikezwe isicoco ngoMvulo seInternational Association of Political Consultants Democracy Medal.
Isicoco lesi sinikwa abantu abadume ngokulwela umbuso okhululekileyo lamalungelo oluntu.
Linhlanganiso ithi inikeze uTsvangirai isicoco lesi ngoba imbone engumkhokheli olohlonzi olwela uzibuse okhululekileyo eZimbabwe.
Abake bathola lesisicoco eminyakeni edluleyo bagoqela owake waba nguMongameli weSouth Africa uMnu Nelson Mandela.
Esamukela isicoco lesi kweleFrance, uTsvangirai uthe isicoco lesi usinikela kuzulu weZimbabwe ngoba nguye oboniswe okwengidi ngabasekeli beZANU-PF.
Ukuhlaziya udaba lolu sixhume ingcwethi ecubungula ezombusazwe uMnu George Mkhwanazi yena othe isicoco sikaTsvangirai kasitsho lutho kuzulu weZimbabwe.
