amalinks wokungena

Breaking News

UTsvangirai Uxotsha Umsebenzi Abaphathintambo Ababili


Zimbabwe's Prime Minister Morgan Tsvangirai gives a press conference in Harare to announce the reshuffling of ministers belonging to The Movement for Democratic Change (MDC) party, 23 Jun 2010

Inhloko kahulumende njalo engumkhokheli welinye lamacele eMDC uMnu Morgan Tsvangirai usexotshe umsebenzi abaphathintambo ababili bebandla lakhe kanye labasekeli babaphathintambo ababili.

UTsvangirai wazise namuhla ukuthi usemise uMnu Elias Mudzuri ukuba ngumphathintambo obona ngezamandla kagetshi kanye loMnu Fidelis Mhashu ukuba ngumphathintambo obona ngezokwakha izindlu elizweni.

Ekhuluma emhlanganweni lentathelizindaba eHarare uMnu Tsvangirai wazise njalo ukuthi usemise uMnu Thamsanqa Mahlangu ukuba ngumsekeli kamphathintambo obona ngezabatsha loNkosazana Evelyn Masaiti ukuba ngumsekeli kamphathintambo obona ngezabesifazana.

Uthe lokhu ukwenze ngenjongo yokuqinisa ukusebenza kwakhe kanye lamalunga ebandla lakhe kuhulumende. UTsvangirai uphinde waguquguqula njalo uluhlu lwabaphathintambo bakhe wasusa abanye ebafaka kwezinye ingatsha abagoqela uMnu Gorden Moyo obesebenzela ewofisini yakhe. UMoyo usengumphathintambo obona ngezamankampani kahulumende.

UMnu Giles Mutsekwa obengomunye wabaphathintambo ababona ngendaba zaphakathi kwelizwe laye ususiwe wanikwa ugatsha olubona ngokwakhiwa kwezindlu.

UMnu Elton Mangoma, obebona ngendaba zokuthuthikiswa komnotho usekhokhela ugatsha lwamandla kagetsi.

Lanxa uTsvangirai esithi inguquko le uyenze ngenjongo yokuqinisa indlela ibandla lakhe elisebenza ngayo kuhulumende, abanye bathi isizatho esimqoka yikulwisana okukhona phakathi kwebandla lakhe.

Omunye wabalombono lo yingcwethi ecubungula ezombusazwe uMnu Mandlenkosi Gatsheni.

‚Äč
XS
SM
MD
LG