amalinks wokungena

Breaking News

Abatshutshisi Labanye Abasebenza Emahofisini Emithethwandaba Bakhalala Umsebenzi


Abatshutshisi bathi baphiwa iholo elisuka phezudlwana kwamadola angamakhulu amabili, $263 njalo iholo leli liphansi kakhulu nxa liqathaniswa lelabo mantshi bona belemfundo efanayo njalo umsebenzi wabo ufanana.

Abatshutshisi bemanyene lezinye izisebenzi zemahofisini emthethwandaba elizweni baqalise ukukhalala umsebenzi ngolweSibili bekhonona ngeholo abathi liphansi kakhulu, okukhomba ukuthi sokulokuphazamiseka ekuthethweni kwamacala emthethwandaba eminengi elizweni jikelele.

Abatshutshisi bathi baphiwa iholo elisuka phezudlwana kwamadola angamakhulu amabili kusiya kwamathathu, $263-$300 njalo iholo leli liphansi kakhulu nxa liqathaniswa lelabo mantshi bona belemfundo efanayo njalo umsebenzi wabo ufanana.

Abakhalale umsebenzi laba batshengisele ngolweSibili eHarare phambi kwamahofisi egqwetha elikhulu likahulumende uMnu. Johannes Tomana lapho abahlabelele khona njalo balalela amazwi kaMnu. Derek Charamba, umkhokheli wenhlanganiso ye Zimbabwe Law Officers’ Association obechasisa ngezikhalazo zabo.

Silokhu sikudaba lunye, izisebenzi zikahulumende ezigoqela ababalisi, abaqeqetshi bemakolitshini, kanye labasebenza koLoliwe basanda kukhalala umsebenzi besola iholo eliphansi njalo uhulumende lokhu exoxisana labo ngendlela yokubengezelela iholo.

UMnu. Rejoice Ngwenya ingcwethi ecubungula ezomnotho utshele uSithandekile Mhlanga we Studio 7 ukuthi kufanele uhulumende engasebenzisi isikhwama selizwe ukubhada indleko ezingalethi intuthuko elizweni.

XS
SM
MD
LG