Umhleli wephephandaba le the Standard obotshwe ngolweSibili ukhululwe ngolweSithathu ngemva kokuhlawuliswa imali yesibambiso.
UMnumzana Nevanji Madanhire ozinikele emapholiseni ngolweSibili, uhlawuliswe ikhulu lamadollar eMelika. UMadanhire ubotshelwe udaba olulotshwe lwaphunyiswa kuphephandaba lakhe lokuthi uhlangothi lwamapholisa selubize abakade batshiya isipholisa ukuthi baphindele emsebenzini kulungiselelwa ukhetho lomnyaka ozayo.
Lokhu kwenziwe njalo ngemva kokubotshwa kwentathelizindaba elobe loludaba uNqobani Ndlovu yena ovalelwe koBulawayo wakhululwa ngemva kwensuku ezilitshumi.
UBrenda Moyo weStudio 7 ukhulume lomqondisi wenhlanganiso yeMedia Institute of Southern Africa- (MISA-Zimbabwe) uMnumzana Nhlanhla Ngwenya othi ukuhlukuluzwa kwentathelizindaba lokhu kukhomba ukwethuselwa kwazo ngesikhathi ilizwe likhuluma ngokhetho ngomnyaka ozayo.
