Ikhomidi yedale lephalamende ebona ngezomvikela lendaba zaphakathi kwelizwe, iPortifolio Committee on Defence and Home Affairs, ibibhoda ngelizwe okwamaviki amabili adluleyo isemukela imibono kazulu phezu komthetho wePublic Order and Security Act- POSA.
Lokhu kulandela isicelo esethulwe edale lepalamende ngumkhokheli wamalunga aleli dale awecele leMDC elikhokhelwa nguMnumzana Morgan Tsvangirai, uMnumzana Innocent Gonese sokuthi umthetho lo kumele wesulwe.
Omunye wamalunga ekhomidi le, uMnumzana Douglas Mwonzora utshele iStudio 7 ukuthi uzulu uyavumelana ukuthi umthetho lokumele wesulwe ngoba uncindezela uzulu weZimbabwe.
Ingcwethi ecubungula ezombusazwe uMnumzana Walter Nsununguli Mbongolwane utshele uBrenda Moyo weStudio 7 izizatho ezenza abanengi bavumelane ukuthi umthetho lo kumele wesulwe.
