Ngesikhathi intengo yempahla iyala iqonga uzulu uthole isipho somnyaka omutsha ngemva kokuba ugatsha lwezokuqondisa ukusetshenziswa kwengcino, iPostal and Telecommunications Regulatory Authority of Zimbabwe kumbe POTRAZ lufake umgoqo wokuthi amankampani engcino zikamakhalekhukwini kumele zehlise imbadalo yokusebenzisa ingcingo lezi.
Imbadalo yehle isukela kumasenti angamatshumi amabili lamathathu, 23 cents yaya ku 15 cents ngesilinganiso somzuzo munye nxa utshayela osebenzisa inkampani inye.
Kuthi abatshayela ingcingo abasebenzisa amankampani ehlukeneyo kodwa bese Zimbabwe bazabhadala amasenti alitshumi lasikhombisa, 16 cents umzuzo munye.
Ingcwethi ecubungula ezombusazwe, uMnu. Rejoice Ngwenya uphe uChris Gande we Studio Seven umbono wakhe ngaloludaba.
