amalinks wokungena

Breaking News

Uzulu Wamukela Ngokutshiyeneyo Inkuthazo KaMugabe Yokuthula


Uzulu wayamukela ngokwehlukileyo inkuthazo kaMongameli Mugabe yokuthi kumele abantu batshiyane lodlakela njalo bahlalisane kungelani lokuthi basekela liphi ibandla lezombusazwe.

Ekhuluma emkhosini wokuthakazelela ilanga lakhe lokuzalwa ngempelaviki, uMugabe uthe umkhuba wokusebenzisa udlakela ikakhulu ngesikhathi sokhetho kumele uphele.

Ukhuthaze uzulu ukuba ehlalisane njalo kungaze kwaba lenzondano phakathi kwalabo abasekela amabandla ezombusazwe atshiyeneyo.

UMugabe uhlezi esola udlakela kodwa lubuye lubekhona esikhathini esinengi luvelela ikakhulu ngakubandla lakhe leZanu PF.

Ngomnyaka odluleyo ubambane loMnu Morgan Tsvangirai loMnu Welshman Ncube emhlanganweni abawenzele eHarare besola udlakela. Bazaqhuba njalo umhlangano ofanayo koBulawayo kubsuku ezizayo.

Abanye bathi uMugabe seguqule izenzo ngempela nanku sehlala ekhuthaza ukuthula.

Kodwa abanye bathi cha, ulunwabu nje oluguqula imbala kusiya ngokuthi lukusimo bani; besithi imbali yakhe ivele igxile kudlakela njalo kasoze afa atshiyana lalo.

Ingcwethi ecubungula ezombusazwe uMnu Effie Dlela Ncube ngomunye wabalombono lo.

XS
SM
MD
LG