Ingcwethi kwezokulima zithi uzulu weZimbabwe kumele azame ukuzikhulula phakathi kobugqili bendlala hatshi ukulindela ukuthola lokho okwabelwa zinhlanganiso eziphathisa abalambayo.
Inkuthazo le ilandela umbiko owethulwe yinhlanganiso ye UNICEF ngeviki edluleyo othi izigidi ezedlula kancane ezimbili- 2.4 million zabantu sebephiwe ukudla zinhlanganiso eziphathisa ngokudla kunyanga ezintathu zakuqala zomnyaka ka 2010.
Inhlolisiso eyenziwe yi UNICEF iveza ukuthi abantu abayisilinganiso esedlula amatshumi ayisikhombisa ekhulwini-78% elizweni, bangabayanga njalo isilinganiso esedlula amatshumi amahlanu ekhulwini -55% bayehluleka ukuziphilisa njalo babulawa yindlala.
UMnumzana Mandla Nkomo yingcwethi kwezokulima. UBrenda Moyo weStudio 7 ukhulume loNkomo othi sokuyisikhathi sokuthi izizalwane zeZimbabwe zifunde ukuzimela, laloba kulobunzima obuthize.
