amalinks wokungena

Breaking News

UZuma Ucunulwa Yizinqumo ZeZanu PF


EleSouth Africa selisole kakhulu isinqumo esithethwe yiZanu PF emhlanganweni wayo weCongress ophele ngoMgqibelo, esokuthi ibandla leli lingavumi ukuthi kulungisiswe yiloba yikuphi okusele kulenga kusivumelwano seGlobal Political Agreement.

Amalunga aleli bandla avumelene emhlanganweni lo ukuthi usibalukhulu webhanga elikhulu lelizwe, ele Reserve Bank of Zimbabwe, uMnumzana Gideon Gono legqwetha likahulumende uMnumzana Johannes Tomana akumelanga besuswe ezikhundleni zabo njengalokhu okufunwa yiMDC.

Linqume njalo ukuthi lingavumi ukuthi konke okusele kulenga kusivumelwano seGlobal Political Agreement kulungisiswe nxa izijeziso ezethulelwa amalunga alo ngamazwe angentshonalanga, zingakesulwa njalo lemisakazo efana leStudio 7 ingakavalwa.

Omunye wabacebisi bakaMongameli Jacob Zuma, uNkosazana Lindiwe Zulu utshele lumsakazo ukuthi uZuma ukhathazeke kakhulu ngezinqumo zeZanu PF lezi, lanxa esithi bayathokoza ngendlela inkulumo phakathi kweMdc leZanu PF eziqhutshwa ngayo.

Yena uMongameli Zuma ubikwa ezahlangana loMongameli Mugabe kwele Denmark kuyonale iviki lapho abaphatheka khona emhlanganweni wenhlanganiso yomanyano wamazwe womhlaba eye United Nations wokuhlaziya ukuguquka komumo womkhathi emhlabeni jikelele.

Ingcwethi ecubungula ezombusazwe, uMnumzana Immanuel Hlabangana utshele uNtungamili Nkomo weStudio 7 ukuthi ukuze udaba lweZimbabwe lulungiswe kumele uMongameli Zuma ethathele iZanu PF amanyathelo aqinileyo.

‚Äč
XS
SM
MD
LG