amalinks wokungena

Breaking News

UZuma Uhlangana LoMugabe Ngaphambilini Komhlangano WeSadc NgoMgqibelo


UMongameli Mugabe uhlangane loMongameli Jacob Zuma ePretoria ngoLwesihlanu bekhulumisana ngengxaki ezikhuba uhulumende womanyano ngaphambilini komhlangano weSadc ozahluza udaba lweZimbabwe kweleSouth Africa ngoMgqibelo.

Ababili laba bakhulume ngodaba lodlakela, ukugcwaliswa kwesivumelwano seGlobal Political Agreement (GPA) kanye lokunye okutshiyeneyo okuzahlafunwa yinkokheli yeSadc.

Ibandla eliphikisayo kweleSouth Africa iDemocratic Alliance lethule umbiko likhuthaza iSadc ukuthi ibambe uMugabe ngamandla ukuthi angaze enza ukhetho kungakalungiswa konke okuhluphayo.

Lelibandla liqoqonsele njalo uZuma ukuthi ahlele umhlahlandlela ocacileyo ozakwenza ukuthi ukhetho oluzayo lube ngolukhululekileyo.

Unobhala obona ngobudlelwano beSouth Africa lamanye amazwe kuDemocratic Alliance uMnu Stevens Mogkalapa utshele uNtungamili Nkomo weStudio 7 ukuthi ibandla lakhe lifuna ukhetho oluzayo eZimbabwe luqhutshwe ngendlela ezasuthisa wonke umuntu.

XS
SM
MD
LG