UMongameli Jacob Zuma wele South Africa uthumele isithunywa sakhe eZimbabwe njalo ngoLwesibili uMnu Mac Maharaj ukuyakhulumisana loMongameli Robert Mugabe, uMnu Morgan Tsvangirai loMnu Arthur Mutambara ngokuhluphayo kuhulumumende womanyano.
UMaharaj ubeseZimbabwe njalo ngeviki edluleyo lapho akhulumisane khona labathathu laba ngokudonselana okukhona phakathi kwamabandla abo kanye lokungafezwa kwesivumelwano seGlobal Political Agreement.
Abalolwazi ngokwenzakalyo batshele iStudio 7 ukuthi uMaharaj uhlangane loTsvangirai ngoLwesibili ekuseni njalo ubekhangelwe ukuhlangana loMugabe kanye loMutambara.
UTsvangirai uveze ngeSonto ukuthi iSadc izathumela iqula eZimbabwe ngaphambilini komhlangano weSadc kumaviki amabili azayo. Umabhalane weSadc uMnu Tomaz Salomao utshele iStudio 7 ukuthi u Zuma uzatshela umhlangano weSadc lo ukuthi sefike ngaphi ngemizamo yokulungisisa udaba lweZimbabwe.