amalinks wokungena

Breaking News

Amapholisa Abopha Amalunga eWOZA Etshengisela Esola Ukusebenza Kwenkampani YeZESA


Inhlanganiso ye Women of Zimbabwe Arise ithi amapholisa abehlome ephelele abophe amalunga ayo alitshumi lantathu bephakathi kokutshengisela lamuhla kobulawayo besola ukucitshwa kukagetsi mahlayana.

Inhlanganiso ye Women of Zimbabwe Arise ithi amapholisa abehlome ephelele abophe amalunga ayo alitshumi lantathu bephakathi kokutshengisela ngoMvulo koBulawayo besola ukucitshwa kukagetsi mahlayana.

Igqwetha elimela ababotshiweyo uMnu. Lizwe Jamela, utshele iStudio 7 ukuthi ababotshiweyo laba bakhululwe ngoMvulo ntambama bengetheswanga icala.

IWOZA ithi itshengisele ithwele amabhokisi akhomba ukuthi kumele inkampani ye ZESA ingcwatshwe kuwo, njalo enelisa ukuqhubekela linkampani izidindo ezedlula inkulungwane ezingamatshumi ayisithupha ezivela ebantwini abangasuthiseki ngendlela inkampani le eqhuba ngayo umsebenzi.

UNkosazana Magodonga Mahlangu, isiphathamandla salinhlanganiso utshele uSithandekile Mhlanga we Studio 7 ukuthi kufanele Inkampani ye ZESA isebenzise imitshina yama pre-paid meters ukuze ingabhadalisi abantu amandla kagetsi abantu abangawasebenzisanga njalo ithole imali lula.

XS
SM
MD
LG