Uhlangothi lweZimbabwe National Statistical Agency luthi isilinganiso se inflation sehle saya kokukwedlula nje kancane okuhlanu ekhulwini-5,3% ngenyanga edluleyo sisuka kokwedlula nje kancane kokuyisithupha ekhulwini-6,1% ngoNkwenkwezi.
Embikweni eliwethule ngoLwesine lolugatsha luthe okubangele lokhu yikwehla kancane kwentengo yezinto, ikakhulu ukudla lokunye.
NgoLwesithathu umphathintambo wezemali uMnu Tendai Biti uthe i inflation izakwehla ifike kokwedlula okune ekhulwini-4,5% ekupheleni komnyaka wathi njalo ukhangelele ukuthi umnotho uthuthuke ngesilinganiso sokwedlula kancane okuhlanu ekhulwini-5,4%.
Lanxa kulezibonelo zokuthi umnotho uya uthuthuka, inengi likhala ngokuthi akula msebenzi kanti njalo lalabo abasebenzayo bahola ingcosana nje.
Ukuhlaziya udaba lolu uNtungamili Nkomo weStudio 7 uxhume umsekeli kanobhala jikelele weZCTU uMnu Japhet Moyo losomabhizimusi uMnu Abednico Bhebhe.