Izakhamizi zakoMadlambuzi esiqintini sePlumtree ziwisa ezimathonsi kulandela ukubhubha kwenduna yazo uMadlambuzi ngoLwesibili.
UMadlambuzi ungcwatshwe ngoLwesine, njalo ubeseleminyaka engamatshumi ayisithupha lane, 64.
Ubikwa ebhubhele esibhedlela sePlumtree lapho athwalelwe khona ngemva kokuba etholakale ethe daca engakhulumi, ebhubhudla amagwebu emlonyeni.
Okudanisa izakhamizi kulesi sigaba yikuthi induna yazo itshone ingazange igule, kubike ukhansila ka Ward 11 uMnu Thamani Ncube.
UNcube utshele uNtungamili Nkomo weStudio 7 ukuthi izakhamizi zizakhalela induna yazo okomnyaka wonke andubana zikhethe enye induna ezazikhokhela.
