amalinks wokungena

Breaking News

Zikhala Ezimathonsi Izizalwane zeZimbabwe ezise South Africa Ezifuna amaPassport


Izizalwane zeZimbabwe ezizama ukuthola amaphasipoti seziveze intukuthelo ngemva kokuba ihofisi yeZimbabwe ebisemukela izicelo zalabo abafuna amaphasipoti isuswe yasiwa phandle kwedolobho le Goli umango owedlula amakhilomitha alitshumi lanhlanu. Inengi labo litshele intathelizindaba ubenedict nhlapho ukuthi iziphatha mandla zidonsa inyawo ngaloluhlelo.
Ngesikhathi uhulumende weSouth Africa ememezela ukuthi abeZimbabwe abahlala elizweni ngokungekho emthethweni bazaphiwa amapermit, kube lenjabulo enkulu kuzinkulungwane zezizalwane zeZimbabwe. Leyo njabulo kukhanya isiphenduke yaba zinyembezi lentukuthelo kuzizalwane zeZimbabwe okufuze zithole amaphasipoti zingaka phiwa amapermit lawa.
AbeZimbabwe laba bethesa ihofisi yomeli weZimbabwe umlandu wokubafaka engozini yokuthi babuyiselwe ekhaya bethi inyawo sezizaze zitshone esiswini behambela amaphasipoti la kodwa bengawatholi. Baqale bebhalisela ukuthola amaphasipoti abo ehofisini ye Consulate eseGoli, yaguqulwa yasiwa eBraamnfontein, kodwa okwamanje isisusiwe njalo yesiwa phandle kwedolobho leGgoli okungumango omude okwamagama.

Okuhambelana lalokhu

‚Äč
XS
SM
MD
LG