amalinks wokungena

Breaking News

Sokudingwa i$6 Million Yokwenza Umhlangano we UNWTO


Victoria Falls
Umphathintambo wezokwethekelelwa kwelizwe uMnu. Walter Mzembi uthi ele Zimbabwe le Zambia akhangelelwe ukuthi adinge izigidi eziyisithupha zamadollar – $6 million yokuqhuba umhlangano omkhulu we United Nations World tourism General Assembly ozakwenzelwa edholobheni leVictoria Falls lele Livingstone.

UMzembi utshele iStudio 7 ngoLwesithathu ukuthi amazwe la kawasoze ehluleke ukudinga imali le kanye lokulungisa amahotela lendawo ezitshiyeneyo ezithandwa yizethekeli.

Uthe ilizwe linye ngalinye kumele liphande izigidi ezintathu zamadollar - $3 million loba nje isimo somnotho wamazwe la singasihle.

Uqhubeke ethi yena ukhangelelwe ukuthi abe khona emhlanganweni omkhulu we Africa Travel Association owenzelwa eNew York.

Ungomunye weziphathamandla zikahulumende le Zimbabwe Tourism Aauthority ezibambisane indlela loMongameli Robert Mugabe osemhlanganweni wenhlanganiso yomanyano wamazwe womhlaba owe United Nations General Assembly.

UMzembi uthe uzazama ngamandla akhe wonke emhlanganweni we Africa Travel Association ukuthi adinge ukusekelwa ekwenzeni umhlangano we United Nations World Tourism General Assembly ngoMpandula ngomnyaka ozayo eVictoria Falls le Livingstone.

Uthe njengoba ukwethekelela amazwe atshiyeneyo kuletha inzuzo engafika kumatrillion amathathu amadhola-$3 trillion ngomnyaka, kuqakathekile ukuthi umhlangano ozakwenziwa eZambia le Zimbabwe uphumelele.

Ele Zimbabwe likhangelelwe ukuthola inzuzo engafika ku$1 billion lonyaka evela emsebenzini wezokwethekelwa kwelizwe.

Ngomnyaka ka 2009 ilizwe lithole izigidi ezingamakhulu amathathu lamatshumi amane zamadollar - $324.

Ingcwethi kwezokwethekelela ezemvelo uMnu. Zifiso Masiye uthe okuqakathekileyo yikuthi ele Zimbabwe lisebenzise inzalo yayo esemazweni atshiyeneyo ukukhanga izethekeli zemazweni ahlala khona ukuthi ziyebuka ezemvelo ezinjenge Matobo Hills, Victoria Falls le Great Zimbabwe.

please wait

No media source currently available

0:00 0:02:20 0:00
Lapho esitholakala khona
XS
SM
MD
LG