amalinks wokungena

Breaking News

'Zitshengise Isibindi Izakhamizi zeNyathi'


Izakhamizi zeNyathi kanye labalwa impi yenkululeko esigabeni seMandebeleni sezinconywe kakhulu ngokuvimba uhulumende ukuthathela omunye umlimi omhlophe ipulazi lakhe.

Uhulumende ubezama ukuthatha ipulazi likaMnumzana Glen James ele Robert block 14, elinika owayengumahluli uMnu Misheck Cheda. Izakhamizi zesigaba lesi zithi uJames usebenzelana lazo kuhle ekuthuthukiseni lesi sigaba, ngakho sezicele uhulumende ukuthi amise ukuthathwa kwaleli pulazi.

Omunye wabalwa impi yenkululeko, olilunga lenhlanganiso ethiwa Umhlahlo weSizwe, uNkosazana Sithabiso Primrose Ncube utshele uBrenda Moyo weStudio7 ukuthi kabasoze bavumele ukuhlukuluzwa kwabalimi abamhlophe, njengalokho okwenzakala kwezinye izigaba zelizwe ezigoqela i Mashonaland.

Kusenjalo, abalimi bonsundu abaphiwe amapulazi esigabeni se Sanzukwe eMangwe eMatabeleland South ilizwe lisanda ukuthola uzibuse bathi babhekana lobunzima obukhulu ekufuyeni inkomo ngoba kuswelakala amanzi lamadibha kulesisigaba.

Abalimi laba, abafika phose amatshumi amathathu, bathi amadamu akulesisigaba awaselamanzi, njalo baswela incingo zokubiyela lezinkomo, kukanti lemizamo abayenzayo eyokuthi uhulumende abaphathise iyehlula.

Omunye wabalimi laba, uMnu. Leonard Mncube utshele uSithandekile Mhlanga we studio 7 ukuthi kufanele uhulumende enze imizamo yokuthi inkomo lezi zidibhe, zizuze amanzi, njalo zibiyelwe ukuze zingatholi imikhuhlane ngoba zithengwa ngabantu abanengi.

‚Äč
XS
SM
MD
LG