amalinks wokungena

Breaking News

Ziyanda Indubeko Kulabo Abafuna Ingwalo Zokuhlala KweleSouth Africa


Ezinye izizalwane zeZimbabwe ebezifuna ingwalo zokuhlala kwele South Africa zibuyiselwe emuva yiziphathamandla zemahofisini ogatsha lwezaphakathi kwelizwe kuthiwa azenelisi ukuthola lezingwalo ngezizatho ezehlukeneyo.

Abaphethe ingwalo zobuphepheli eze asylum ngabanye bababuyiselweyo emuva kuthiwa abavunyelwa ukudinga ama permit amatsha la laloba umphathintambo wezaphakathi kwelizwe uNkosazana Dhlamini Zuma egcizelele ukuthi bayavunyelwa ukuzithola ingwalo ezintsha lezi. Abanye ngababuyiselwe emuva kuthiwa abalangwalo ezaneleyo ezifunekayo.

UBrenda Moyo weStudio 7 ukhulume loMnumzana Lizwe Gwebu omunye wababuyiselwe emuva ngolweSibili.

Abenhlanganiso ezisebenzelana lezizalwane zeZimbabwe eSouth Africa bathi bazaqhubeka bezama ukulungisisa okuhluphayo labehofisi ebona ngezaphakathi kwelizwe, ukwenzela ukuthi labo abafuna ingwalo zokuhlala kwele South Africa benelise ukungenisa amafomu okudinga lezingwalo masinyane.

UBrenda Moyo ukhulume njalo lonobhala webandla leMDC elikhokhelwa nguMnu Arthur Mutambara uMnu Ngqabutho Dube othi bakhangelele ukuthi kusukela ngoMvulo ozayo izinto zizaqala ukuhamba ngemfanelo.

‚Äč
XS
SM
MD
LG