amalinks wokungena

Breaking News

Ziyaqala Njalo Inkulumo Phakathi KweZanu PF LeMDC


Njengokutsho kukaMongameli Jacob Zuma weleSouth Africa ngeviki edluleyo, yena ongumlamulankunzi kudaba lweZimbabwe, inkulumo zokuzama ukulungisisa okuhluphayo phakathi kweZanu PF leMDC zizaqala ngoLwesine.

Ngemva kokukhulumisana loMongameli Robert Mugabe, inhloko kahulumende uMnu Morgan Tsvangirai loMnu Arthur Mutambara ngeviki edluleyo uZuma uveze ukuthi abathathu laba bavumelene entweni ezithile lokuthi abamela amabandla abo kunkulumo bazahlangana ngoLwesine, ngoLwesihlanu langoMvulo.

Lanxa nje sehlulekile ukukhulumisana labakunkulumo lezi, abazi ngokwenzakalayo baveze ukuthi ngempela ziyaqala ngoLwesine njengokuhlelwa kwazo uZuma eseZimbabwe - njalo kumele zibe sezigqitshiwe inyanga le ingakapheli.

Ingcwethi ecubungula ezombusazwe uMnu Samukele Hadebe utshele uNtungamili Nkomo weStudio 7 ukuthi abakunkulumo laba kumele bakhulumisane ngokuqotho baqede inkulumo lezi ngoba sezidonse kakhulu.

‚Äč
XS
SM
MD
LG