amalinks wokungena

Breaking News

Ziyaqhubeka Inkulumo NgoMgqibelo


Inkulumo phakathi kweZanu PF lamacele wombili eMDC zikhangelelwe ukuqhubeka eHarare ngoMgqibelo.

Abamela amabandla la baqale ukukhulumisana ngoMvulo kodwa bathatha ikhefu ngolweSithathu.

UMnu Tendai Biti, yena omela icele leMDC elikhokhelwa nguMnu Morgan Tsvangirai kunkulumo lezi nguye ocele ukuthi kuthathwe ikhefu ukuze enelise ukuqedisa umsebenzi kubudget yesizwe azayethula mhlaka 2 ngoMpalakazi.

UBiti nguye umphathintambo obona ngezemali elizweni. Inkulumo lezi zijonge ukulungisisa konke okuhluphayo kuhulumende womanyano okugoqela udaba lokufungiswa kwabosibalukhulu bezabelo abenhalngothi zombili zeMDC.

Iqula likaMongameli Jacob Zuma eliqondane lodaba lweZimbabwe lizakuya eHarare ngeSonto ukuyakhuthaza amabandla la ukuthi avumelane inkulumo lezi ziphele.

Uhulumende weSouth Africa uthi inkulumo lezi sezidonse kakhulu kungela lutho oluphuma kizo. Ngalokhu, uMongameli Zuma uthi ufuna ziphethwe ngokuphangisa; kubike intathelizindaba yeStudio 7 uNtungamili Nkomo.

‚Äč
XS
SM
MD
LG