WASHINGTON DC - UMongameli Emmerson Mnangagwa ukhangelelwe ukwethula amazwi aphathelane lokuhuga abatshali bezimali eDavos, kweleSwitzerland, namuhla emhlanganweni weWorld Economic Forum (WEF).
UMnangagwa usemhlanganweni lo lequla labaphathimtambo abagoqela owezemali uMnu Mthuli Ncube, obona ngezamanda lenhlelo zokuthengiselana uNkosikazi Sekai Nzenza kanye lobona ngobudlelwano beZimbabwe lamanye amazwe uMnu Frederick Shava.
Njengasemihlanganweni efanayo edluleyo , uMnangagwa ukhangelelwe ukucela abakwamanye amazwe ukuthi bazevula amabhizimusi eZimbabwe.
Kodwa isikhulumeli sebandla leCitizens Coalition for Change (CCC) koBulawayo uMnu Swithern Chiroodza uthi ababoni uMnangagwa ephumelela ngoba uhulumende wakhe elokhe esephula amalungelo kazulu.
Your browser doesn’t support HTML5
Ingxoxo loMnu Swithern Chiroodza
Khepha ilunga leZanu PF uMnu Believe Gaule ukulandule ;okhu esithi banengi abatshali bezimali asebevule amabhizimusi eZimbabwe ngemva kokukhuthazwa nguMnangagwa.
Your browser doesn’t support HTML5
Ingxoxo loMnu Believe Gaule