WASHINGTON DC - Idola leZimbabwe liwile njalo ngesilinganiso esikhulu nxa liqathaniswa lemali yakwamanye emazwe emkambo kahulumende ngoLwesibili .
Ngeviki edluleyo idola leMelika elilodwa belithengwa ngamadola eZimbabwe angamakhulu amabili alamatshumi phose ayisithupha, Z$258.
Kodwa ibhanga elikhulu lelizwe eleReserve Bank of Zimbabwe (RBZ) lazise izolo ukuthi idola laseMelika elilodwa selithengwa ngamadola eZimbabwe angamakhulu phose amathathu, Z$290.
Emkambo wensitha idola leMelika lithengiswa ngamadola aseZimbabwe asukela kwangamakhulu amane, Z$400 kusiya kuZ$500.
Ingcwethi ecubungula ezenotho uMnu Rejoice Ngwenya utshele iStudio 7 ukuthi ukulahlekelwa luhlonzi kwedola lakuleli mahlayana kutsho ukuthi intengo lazo zizakhuphuka uzulu athwale nzima.
Your browser doesn’t support HTML5
Ingxoxo loMnu Rejoice Ngwenya