WASHINGTON DC - Kulabantu abane abafunyanwe yinkantolo kamantshi ngoMgqibelo belecala lokuthuka amapholisa ngokuthi ayizinja zikaMongameli Emmerson Mnangagwa ezisetshenziswayo nje ezizakufa zihawula.
Inhlanganiso yamagqwetha abamelayo eyeZimbabwe Human Rights NGO Forum yazise ukuthi abasolwa laba nguNobody Makoni, Kudzai Sachiwo, Jacob Chigodora loBatsirai Sora.
Umantshi ubethese isigwebo sokuhlawula inkulungwane ezingamakhulu angamatshumi amathatu, ZW$30,000 ngamunye. I-Zimbabwe Human Rights NGO Forum ithi ababili babasolwa laba, uChipo Mungoshi loMemory Chikodze bafunyanwe bemsulwa.
Ohlaziya ezombusazwe uMnu Effie Dlela Ncube utshele iStudio 7 ukuthi ukufunyanwa kwabane belecala lokuthuka amapholisa lokhu yinto embi ephula isisekelo sombuso welizwe.
Your browser doesn’t support HTML5
Ingxoxo loMnu Effie Dlela Ncube
Banengi asebebotshiwe ngakolunye uhlangothi besetheswa amacala okuthuka uMongameli Mnangagwa.