WASHINGTON DC - Izakhamizi zikaWard 4 seInsiza lezikaWard 2 eMatobo ziyavota ngoMgqibelo kukhetho lokudinga amakhansila azo kulandela udlakela oluqhamuke kulezindawo ekuqaliseni kweviki.
Ibandla leCCC lithi amalunga alo atshaywe ngabasekeli beZanu PF alimala kakubi kulezizigaba ngesikhathi ekhankasela lolukhetho. Kodwa abeZanu PF bathi labo batshayiwe.
Oncintisa emele iCCC kuWard 4 eInsiza, uMnu Augustine Gumede, yena othi utshayiwe wadilizelwa impahla, utshele iStudio 7 ukuthi uzulu lokhe ethithibele esigabeni sakhe.
Ngokunjalo, uthi lokhu kulakho ukubangela ukuthi abantu besabe ukuyavota kusasa kumbe ukuvotela ibandla elibusayo ngoba besesaba ukutshiselwa imizi lokutshaywa ngamalunga eZanu PF bengavotela iCCC.
Your browser doesn’t support HTML5
Ingxoxo loMnu Augustine Gumede
Kodwa isiphathamandla seZanu PF eInsiza uMnu Malaki Nkomo ukulandule lokhu esithi akula kwesaba kumbe ukwethuselwa kwabamabandla aphikisayo okukhona kulumango. Wengeze wathi ibandla leCCC lesaba ukunqotshwa.
Your browser doesn’t support HTML5
Ingxoxo loMnu Malaki Nkomo