amalinks wokungena

Breaking News

UMongameli Biden Wethesa eleRussia Ezinye Njalo Izijeziso Phezu Kokuhlasela Kwalo eleUkraine


UKRAINE-CRISIS/

WASHINGTON DC - UMongameli weMelika uMnu Joe Biden usethese eleRussia ezinye njalo izijeziso zenotho ezilukhuni phezu kokuhlasela kwalo eleUkraine.

Izijeziso lezi zenqabela amabhanga aseRussia amahlanu ukudlelana lamanye amabhanga omhlaba. Ezinye ziqondiswe kuziphathamandla zalelolizwe.

Kumbiko awethule kumabonakude izolo, uBiden uthe izijeziso lezi zijonge ukulimaza umnotho weleRussia, okungamalahle athi uMongameli walelolizwe uMnu Vladimir Putin uzokhele wona ekhanda ngokuqala impi leUkraine.

Uthe njalo iMelika izavala ezinye inhlelo zayo zokuthengiselana leleRussia.

UBiden uthi uthembise uMongameli weUkraine uMnu Volodymyr Zlensky ukuthi eleMelika lizancedisa ilizwe lakhe ngendingeko ezitshiyeneyo lanxa nje engasoze athumele amabutho.

please wait

No media source currently available

0:00 0:01:05 0:00

Kusenjalo, uhulumende weZimbabwe uthi izizalwane zakuleli eziseUkraine ezizama ukuphuma kulelolizwe kumele zitshayele isigodlo seZimbabwe ucingo kweleGermany kunombolo ezithi +4930232556760.

Abezimbabwe abakulelolizwe bagoqela abafundi.

Ingcwethi kwezombusazwe uDr Brilliant Mhlanga utshele iStudio 7 ukuthi izijeziso ezifakwe yiMelika lamazwe asentshonalanga zizakuba lomthelela kumnotho weRussia, kodwa uthe kaboni ziliwisa lelolizwe.

please wait

No media source currently available

0:00 0:03:24 0:00

Facebook Forum

XS
SM
MD
LG