WASHINGTON DC - Umanyano wamazwe omhlaba oweUnited Nations (UN) uzakuba lomhlangano ophuthumayo phezu kokuhlaselwa kweleUkraine ngeleRussia namuhla.
Lumhlangano uza ngemva kokuba uMongameli weRussia uMnu Vladimir Putin etshele amabutho akhe aphatha izikhali zembhubhiso, ama-nuclear weapons, ukuthi ahlale elungiselele.
Lokhu kusolwe kakhulu yiziphathamandla zamazwe asentshonalanga abagoqela ummeli weMelika kuUN uNkosikazi Linda Thomas Greenfield, yena othe uPutin kumele atshiyane lokukhuluma ngezikhali zembhubhiso.
EleMelika labangale balo baya phambili ngokwengeza izijeziso zenotho abazethese eleRussia phezu kokuqala impi leUkraine. Ukulwisana kuya phambili njalo amabutho kaPutin abikwa esegombolozele isigodlo seUkraine, i-Kyiv
Ohlaziya ezombusazwe uMnu Khanyisani Silwane Ncube utshele iStudio 7 ukuthi amazwe asentshonalanga kumele akhulumisane leleRussia kuqedwe limpi ngoba ingangena kuzinga lezikhali zembhubhiso kungonakala okunengi.
