amalinks wokungena

Breaking News

AbeZanu PF Basola iMelika Ngokuqhelisa Izijeziso Zenotho, AbeCCC Bathi Umzenzi Kakhalelwa


U.S. President Biden holds a cabinet meeting at the White House

WASHINGTON DC – AbeZanu PF sebesole kakhulu eleMelika ngokuqhelisa izijeziso zenotho elazethesa amalunga alelibandla, kodwa abeCitizens Coalition for Change (CCC) bathi uhulumende weZimbabwe nguye ozokhela amalahle ekhanda ngokuhlukuluza uzulu.

UMongameli weMelika uMnu Joe Biden uqhelise izijeziso lezi ngomnyaka izolo esithi uhulumende kaMongameli Emmerson Mnangagwa ulokhe esephula amalungelo kazulu njalo evimba umbuso okhululekileyo.

EleMelika lasungula izijeziso lezi ngomnyaka ka2003, lahlela konke elithi kumele kulungiswe ngeleZimbabwe ukuze izijeziso lezi zesulwe.

Kodwa kumbiko wakhe izolo, uMongameli Biden uthe akulalutho osolwenziwe nguMnangagwa olungenza ukuthi eleMelika lesule lezizijeziso.

Izijeziso lezi ziphatha amalunga eZanu PF angamatshumi ayisitshiyangalombili lantathu, 83, kanye lamankampani alobudlelwano lalelibandla angamatshumi phose amane, 37.

UBiden ethe nyakenye uhulumende kaMnangagwa uqhubeke ehlukuluza abantu abagoqela intathelizindaba, abamabandla aphikisayo kanye labenhlanganiso zezisebenzi.

Ukuqhelisa kwakhe izijeziso lezi kuza ngesikhathi lumemetheka ngamandla udlakela oluqondiswe kubandla elikhokhelwa nguMnu Nelson Chamisa eleCitizens Coalition for Change (CCC).

Biden
Biden

Kulomsekeli walelibandla obulawe ngeSonto eKwekwe ngabantu abanakanelwa ukuthi ngamalunga eZanu PF njalo izolo kulabantu abahlasele endlini yesiphathamandla salelibandla uMnu Tendai Biti bagamula unogana wakhe walimala kakubi.

Umsekeli wesikhulumeli seCCC uMnu Felix Magalela Mafa Sibanda utshele iStudio 7 ukuthi ibandla leZanu PF yiyo ezokhela amahlahle ekhanda kudaba lwezijeziso ngokwephula amalungelo.

please wait

No media source currently available

0:00 0:02:17 0:00

Kodwa ilunga leZanu PF uMnu Joseph Tshuma usole inyathelo likaMongameli Biden esithi eleZimbabwe lifela ukuthathela abalimi abamhlophe umhlabathi.

please wait

No media source currently available

0:00 0:02:12 0:00

Ingcwethi kwezombusazwe uMnu Effie Dlela Ncube utshele lumsakazo ukuthi ubkubulawa kwelunga leCCC lokuhlaselwa kwendlu kaBiti kuveza sobala ukwephulwa kwamalungalo nguhulumende kaMnangagwa.

please wait

No media source currently available

0:00 0:02:43 0:00

Facebook Forum

XS
SM
MD
LG