'Siyakusola Ukuhlaselwa kwabeZimbabwe Abasebenza Emapulazini aseSouth Africa Yizizalwane zeLesotho'

WASHINGTON DC – Inhlanganiso yeZimbabwe Community in South Africa isisole ukuhlaselwa kwabeZimbabwe yizizalwane zeLesotho kweleSouth Africa zibabangisa imisebenzi emapulazini.

Iphephandaba leIndependent Online libike ukuba udlame lolu luqhamuke eRobertson ngoLwesine lapho abeLesotho abavuke khona ubhova batshisa izindlu zabeZimbabwe besithi kungani kuqhatshwa bona kuphela.

Ukutshiswa kwezindlu lokhu kutshiye abeZimbabwe abedlula amakhulu amahlanu, 500, bengaselandawo zokuhlala njalo babikwa bebaleke bayaphephela enkambeni yamapholisa.

I-Independent ithi kulimale abantu abalitshumi lasikhombisa, 17, njalo oyedwa wabo ulaliswe esibhedlela.

Udlame lolu luza ngesikhathi abokuza behlaselwa yizizalwane zakweleSouth Africa phansi kohlelo lweOperation Dudula zisithi ababuyele emazweni abo.

Kulenye njalo inhlanganiso eyeKopanang Africa ebiqoqa ukutshengisela namuhla eJohannesburg isola ukuhlaselwa kwabokuza kodwa ithi yalisiwe ngamapholisa.

Isikhulumeli seZimbabwe Community in South Africa uMnu Bongani Mkhwananzi utshele iStudio 7 ukuthi kuyadingeka ukuthi abantu bakhulumisane bahlalisane kuhle njalo kuqedwe kuhlaselwa kwabokuza lokhu.

Embed share

Ingxoxo loMnu Bongani Mkhwanazi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:23 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala