amalinks wokungena

Breaking News

Umiswe Enkantolo Owesilisa Esetheswa Icala Lokuthi uMnangagwa Usebulele Ilizwe Njalo Ukhohlakele


APTOPIX Zimbabwe Independence Celebrations

WASHINGTON DC - Kulowesilisa weChipinge omiswe enkantolo kamantshi izolo esetheswa umlandu wokuthuka uMongameli Emmerson Mnangagwa.

Abatshutshisi batshele inkundla ukuthi umsolwa uMnu Tawanda Muzanya wadala icala ngokuthi uMnangagwa uyisikhohlakali kanti njalo usebulele ilizwe.

UMuzanya ukhululwe ngemali yesibambiso, ibail, engena kunkungwane zamadola ezinhlanu, $5,000. Ubeselensuku ezimbili evalelwe.

Umsolwa ubemelwa ngamagqwetha enhlanganiso yeZimbabwe Lawyers for Human Rights (ZLHR).

Umthethwandaba weChinhoyi wona ufumane intathelizindaba uNunurai Jena emsulwa kumacala abalisa elokuxabana lamapholisa lelokwephula iziqondiso zokuvikela umkhuhlane weCovid-19.

UJena wabotshwa ngomnyaka ka2020.

Kusenjalo, iZimbabwe Lawyers for Human Rights (ZLHR) ithi amapholisa eChitungwiza abophe abesifazana abathathu izolo abenhlanganiso yeTransparency International Zimbabwe kanye leyeShamwari yeMwanasikana, ebethesa umlandu wokwenza umhlangano bengacelanga imvumo.

Abathathu laba nguBenevolence Taguta, uLisa Mataka kanye loTracy Mutiwekuziva.

Amagqwetha athi abantu laba babotshwe phansi komthetho weMOPA, wona athi ususetshenziswa kakhulu nguhulumende weZanu PF ukuncindezela abantu kulandela ukwesulwa komthetho wePOSA.

Facebook Forum

XS
SM
MD
LG