Uhulumende Uthi Uzaphathisa Ngendleko Zomngcwabo Wenduna yeGaranyemba uChief Nhlamba

WASHINGTON DC - Uhulumende uthi uzaphathisa umndeni wenduna yeGaranyemba, eGwanda, uChief Nhlamba okhothame ngoMgqibelo ngendleko zokumngcwaba emkhosini okhangelelwe ukuqhutshwa ngempelaviki ngumsekeli kaMongameli uMnu. Constantino Chiwenga oyabe emele uMongameli Emmerson Mnangagwa.

Lokhu kuvezwe yisiphathamandla sikahulumende uMnu. Misheck Sibanda kumbiko awethule izolo kusihlwa.

UChief Nhlamba, ogama lakhe lokuzalwa nguMnu. Dennis Ndlovu, ubhubhe eseleminyaka yokuzalwa engamatshumi ayisikhombisa lanhlanu, 75, ngemva kokugula okwesikhathi eside njalo ubesephethe lesi sikhundla okweminyaka elitshumi lambili.

Isikhulumeli somndeni wakoNhlamba sitshele iStudio 7 ukuthi uhulumende kakawazisi ngokusemthethweni ngalelinyathelo.

Ukutshona kwenduna uNhlamba kulandela ukufa komunye wakhe weLupane uMabhikwa; uMnu. Vusumuzi Khumalo, ngeviki edluleyo, otshone eleminyaka engamatshumi amabili lasitshiyangalombili engozini yomgwaqo.

Ingcwethi ecubungula ezamasiko uMnu. Greater Vodloza Sibanda utshele iStudio 7 ukuthi uhulumende wenze kuhle ngokuphathisa ngendleko zomngcwabo kaNhlamba.

Embed share

Ingxoxo loMnu Greater Vodloza Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:32 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala