amalinks wokungena

Breaking News

Usacatshile Umhleli weZimLive uMduduzi Mathuthu Ngemva Kokuzingelwa Ngababezithi Bangamapholisa


Mduduzi Mathuthu

WASHINGTON DC - Umhleli wephephandaba elidinda ebulenjini be-internet eleZimLive, uMduduzi Mathuthu ulokhe ecatshile ngemva kokulandwa ngabantu abayisikhombisa endlini yakhe koBulawayo ngoLwesihlanu besithi bangamapholisa njalo behamba ngemota engela ma-number plates.

Kodwa isimanga yikuthi igqwetha lakhe, uMnu Nqobani Sithole uthe esiya emapholiseni wathola esithi akamdingi uMathuthu.

Lokhu kutshiye uMathuthu engasahlalisekanga ngoba engasakwazi ke ukuthi abantu laba ngobani njalo babehloseni.

Ngomnyaka ka2020 umzukulu wakhe, uTawanda Muchehiwa wathunjwa ngabantu abanakanelwa ukuthi ngabacuphi, amaCIO, watshaywa kakubi.

Igqwetha likaMathuthu, uSithole utshele umsakazo weStudio 7 ukuthi baphatheke kabi kakhulu ngodaba lolu ngoba besesaba ukuthi uMduduzi engawelwa ngokwawela umtshana wakhe.

please wait

No media source currently available

0:00 0:03:08 0:00

Facebook Forum

XS
SM
MD
LG