amalinks wokungena

Breaking News

Umasipala wakoBulawayo Usungula Uhlelo Lokuvalela Abahlali Amanzi Okwe-24 Hours


Owesifazana
Owesifazana

BULAWAYO - Amanye amalokitshi akoBulawayo atshone engelamanzi Ngomvulo kulandela ukuvalwa kwawo ngumasipala walelidolobho ngoba esithi asesilela emadamu.

lkhansili yazisa ngeviki edluleyo ukuthi izasungula loluhlelo mhkala 13 kulinyanga lapho ezavala khona amanzi okwamahola angamatshumi amabili lane, 24 hours.

Endaweni ezifana leLochview, Sunninghill, Marlands, Riverside, Waterford, Manningdale, Willsgrove, Buenavista, Douglasdale, Fortunes Gate, Selborne Pak leMatsha’mhlophe umasipala uvale amanzi ngeSonto wazowavula ngoMvulo.

Uhlelo lukamasipala luveza ukuthi uzavala njalo amanzi lawa kwezinye indawo ngoLwesine, kwezinye ngoLwesihlanu kuthi kwezinye njalo awavale ngoMgqibelo.

Umasipala uthi udubo olukhona ngolokuthi amadamu aselamanzi amalutshwana kakhulu. Uthi njalo usemile ukudonsa amanzi edamu leUmzingwane ngoba selitshile.

Isikhulumeli sikamasipala, uNkosazana Nesisa Mpofu, ukhuthaze izakhamizi ukuthi zilondoloze amanzi njalo zilandele izilinganiso ezahlelelwa umuzi ngomuzi yikhansili.

Abahlali bakoBulawayo bona bakhala ngokuthi ukuvalwa kwamanzi lokhu kulakho ukubangela imikhuhlane edalwa yingcekeza efana lesihudo seCholera.

please wait

No media source currently available

0:00 0:05:17 0:00

XS
SM
MD
LG