amalinks wokungena

Breaking News

Kubotshwe 'Izigebengu' Ezingu-8 koBulawayo Zilempahla Eyatshontshwayo Ebiza US$500,000


South Africa police arrest dozens and seize guns at a church

BULAWAYO - Amapholisa akoBulawayo ngempelasonto abophe abantu abayisitshiyangalombili, 8, abanakanelwa ukuthi yizigebengu, abatholakale behlome ngemibhobho, inkemba lezinye izikhali njalo belempahla ebiza ingxenye yesigidi samadola eMelika, US$500,000 eyatshontshwayo.

Impahla le igoqela izimota, omabonakude, omaqandisa lokunye okutshiyeneyo okusetshenziswa nguzulu nsukuzonke ezindlini.

Ababotshiweyo nguSelby Nkala oweMagwegwe North, Reason Gumede oweNketa 9, Prince Ndlovu oweOld Lobengula, Atkins Manhizwa ohlala eOld Lobengula, uDerrick Ndlovu owe Old Lobengula, uCasimio Mazwiamahle oweEmganwini, Kelvin Njabulo ohlala ePumula South kanye loNgonizashe Manyaya oweNkulumane.

Abasolwa bamiswe emthethwandaba kamantshi ngoMvulo besetheswa amacala obugebengu lokutshontsha behlome ngezikhali. Bazaphindela enkantolo mhlaka 27 kulinyanga.

"I-homecide section yethu ithole i-information from izakhamizi yayikhangela kuhle yasibopha omunye ujaha ocine eseqamba abanye bakhe baze baba yisificaminwemibili,” kutsho isikhulumeli samapholisa koBulawayo, uInspector Abednico Ncube.

UNcube uthe izikhali bazithole kubasolwa “zatholakala ngendlela yokutshontsha, ukugqekeza khonokhu besenza amanye amacala.”

Ngeviki ephelileyo ilunga lebandla leCitizens Coalition for Change (CCC) uMnu Langelihle Zonda Dube ubulawe ngabantu abangaziwayo beze begqekeze endlini yakhe eLobengula West ebusuku bamtshaya bamgamula ngenkemba batshontsha iUS$25.

Lanxa abanye becabangela ukuthi wabulawa ngezizatho zombusazwe, uInspector Ncube uthe uDube wabulawa yizigebengu ezazijonge ukutshontsha.

Inengi labahlali bakoBulawayo selilala okomvundla lisesaba ukungenelwa ngamasela asebhahile kulelidolobho laselizweni jikelele.

Abanye bathi ukubanjwa kwabasolwa laba kuzakwenza bake babuquthe.

"EMagwegwe lapha amasela asithwalise nzima, asilali,” kutsho uNkosazana Sthandile Ndlovu uthi othi laye uke wangenelwa endlini.

“Emadabukakusa bayatshontsha bayabhidlisa izindlu zabantu benza izinto ezingalunganga. Batshontsha iTV, amafoni lezinto ezinengi nje ezitshiyeneyo"

Amapholisa athi ngaphandle kwabayisitshiyangalombili ababotshiweyo, kulabanye abahlanu ekade bekuqembu linye ababalekileyo abadingwayo.

please wait

No media source currently available

0:00 0:04:00 0:00

Facebook Forum

XS
SM
MD
LG