amalinks wokungena

Breaking News

Kubulawe Elinye Njalo Ilunga Lethu uEdison Chinembiri, Kutsho Ibandla leCCC


Ibandla leCCC lithi lumfanekiso ngowelunga lalo uEdison Chinembiri obulawe ngabantu abanakanelwa ukuthi ngabeZanu PF eZengeza ngoLwesibili.

WASHINGTON DC - Ibandla leCCC lithi kulomunye njalo umsekeli walo uMnu Edison Chinembiri, obulawe ngabantu abacatshangelwa ukuthi ngabasekeli beZanu PF eZengeza ngoLwesibili.

Kodwa abebandla elibusayo bayakuladula lokhu.

Isikhulumeli seCCC uNkosazana Fadzayi Mahere, eloba enkundleni yeTwitter, ukhuthaze amapholisa ukuthi aphenye loludaba ngokuphangisa. Isikhulumeli samapholisa uMnu Paul Nyathi yena uthe ubengelisi ukukhuluma ngaloludaba ngoba ubesemhlanganweni.

Ukufuthelana kwezombusazwe sokufike kuzinga elibi elizweni kulandela ukubulawa kwelunga leCCC uNkosazana Moreblessing Ali ngocatshangelwa ukuthi usekela iZanu PF uMnu Pius Jamba, yena oze wabotshwa ngoLwesine.

ELupane khona iCCC ithi kulomsekeli wayo othunjwe ngabacuphi labasekeli beZanu PF ngoLwesithathu bamtshaya kakubi. Ibandla leli lithi amalunga alo asehlukuluzwa mahlayana ngoba sokulungiselelwa ukhetho luka2023.

Ukufuthelana lokhu kwengezwe yokubotshwa kwabameli beCCC ephalamende uMnu Job Sikhala loMnu Godfrey Sithole besetheswa icala lokuphehla udlakela eNyatsime lapho okutshiswe kwadilizwa izindlu ngoLwesibili.

AbeCCC bathi udlakela lolu lwenziwe ngabeZanu PF. Kodwa ebeZanu PF bathi ngabeCCC.

Abamasonto bathi abengatsha zikahulumende ezibona ngokuthula, ezibalisa iZimbabwe Human Rights Commission kanye leNational Peace and Reconciliation Commission, kumele bangenele babhule umlilo.

Ukuhlaziya loludaba sixoxe lelunga leZanu PF uMnu Joseph Tshuma endawonye lomsekeli wesikhulumeli seCCC uMnu Felix Magalela Mafa Sibanda onguye osungula lingxoxo.

please wait

No media source currently available

0:00 0:05:30 0:00

Facebook Forum

XS
SM
MD
LG