amalinks wokungena

Breaking News

Amabandla Aphikisayo Athi uMnangagwa leZanu PF Yakhe Baphehla Udlakela Phambilini Kokhetho


APTOPIX Zimbabwe Independence Celebrations
APTOPIX Zimbabwe Independence Celebrations

WASHINGTON DC - Abamabandla aphikisayo labahlaziya ezombusazwe sebesole uMongameli Emmerson Mnangagwa lamalunga ebandla lakhe phezu kwamazwi abathi atshotshozela udlakela phambilini kokhetho luka2023.

UMnangagwa utshele umhlangano weZanu PF politburo ngoLwesithathu ukuthi abamabandla aphikisayo, bona athi basetshenziswa yizitha zeZimbabwe, bazaphathwa ngesandla esilukhuni ngamabutho bengalokotha beqale udlakela.

Isikhulumeli seZanu PF uMnu Chris Mutsvangwa laye utshele intathelizindaba ukuthi amabutho ngawebandla lakhe, ngokubika kwephephandaba leNewsDay.

Olunye njalo udaba osoludale inkulumo ngolokuthi uhulumende wazise ukuthi usevuselela uhlelo lweNational Youth Serive, olokulolonga abasakhulayo beZanu PF abaziwa ngokuthi ngamaGreen Bomber abake baduma ngodlame kuminyaka edluleyo.

Kulamalunga eZanu PF njalo asephume kuma-video endaweni ezitshiyeneyo esethusela abasekeli bebandla likaMnu Nelson Chamisa eleCitizens Coalition for Change (CCC).

Ukuhlaziya loludaba sixoxe lelunga leZanu PF uMnu Joseph Tshuma endawonye lelunga leCCC uMnu Abednico Bhebhe onguye osungula lingxoxo.

please wait

No media source currently available

0:00 0:05:34 0:00
XS
SM
MD
LG