amalinks wokungena

Breaking News

Vimba iPVO Amendment Bill, Kutsho Inhlanganiso Ezizimeleyo Kusomlomo wePhalamende


Zimbabwe Parliament Scuffle

WASINGTON DC - Inhlanganiso ezizimeleyo sezilobele usomlomo wedale lephalamende uMnu Jacob Mudenda zimcela ukuthi evimbe ukupasiswa kweBill ezangena kumthetho olawula ukusebenza kwazo owePrivate Voluntary Organizations Amendment Bill, ngoba zisithi ngumthetho omubi kakhulu.

I-Bill le iphakathi kokuhlaziywa yiphalamende andubana ipasiswe ibe ngumthetho opheleleyo.

Inhlanganiso ezingamatshumi amabili, 20, ezigoqela iZimbabwe Lawyers for Human Rights, Zimbabwe Human Rights NGO Forum, Crisis in Zimbabwe Coalition leVerita zithi umphathintambo obona ngokusebenza kwenhlanganiso ezizimeleyo uMnu Paul Mavhuma wafaka imigqa encindezelayo kuliBill engakhulumisananga lozulu.

Ngokunjalo, zithi uMudenda kumele ayikhiphe ephalamende ingaye yahluzwa ngoba okunengi ekumemetheyo kuvela kuMavhima hatshi kuzulu.

Zithi ingapasiswa liBill izakupha uhulumende amandla okuvala inhlanganiso ezizimeleyo mahlayana kanti njalo izaphazamisa inhlelo zokuphathisa uzulu eziqhutshwa ngezinye inhlanganiso.

Isiphathamandla senhlanganiso yeVeritas uMnu Lizwe Jamela utshele iStudio 7 ukuthi iPrivate Voluntary Organizations Amendment Billl ilomthelela omubi kakhulu.

please wait

No media source currently available

0:00 0:02:25 0:00

Umphathintambo wezemithetho uMnu Ziyambi Ziyambi lomphathintambo obona ngokusebenza kwenhlanganiso ezizimeleyo uMavhima bathi ababuyeli muva kuloludaba.

Bathi njalo ngamanga aluhlaza ukuthi kabazange bakhulumisane lenhlanganiso ezizimeleyo kanye lozulu ngenguquko ephambi kwephalamende.

UMongameli Emmerson Mnangagwa laye uthi ubalulekile lumthetho ngoba injongo yawo ingeyokwenqabela inhlanganiso ezizimeleyo ezisetshenziswa yizitha zeZimbabwe.

Facebook Forum

XS
SM
MD
LG