amalinks wokungena

Breaking News

Umka Sikhala Umiswe Enkantolo Esetheswa Icala Lokutshayela Imota Kucele Lomgwaqo Elingaqondanga


Job Sikhala Released2

WASHINGTON DC - Umka Job Sikhala, uEllen, umiswe emthethwandaba kamantshi eHarare ngoLwesine esetheswa icala lokwephula imithetho yemigwaqo ngokutshayela imota kucele elingayisilo.

UNkosikazi Sikhala ubotshwe ngoLwesibili ngesikhathi esiyabona umyeni wakhe, yena oyisiphathamandla sebandla leCCC, oselenyanga ezintathu evalelwe eChikurubi Maximum Prison labanye abalitshumi lanhlanu abebandla lakhe besetheswa icala lokuphehla udlakela.

Umantshi uthe kumele aphenduke enkantolo mhlaka 10 ngenyanga ezayo lapho okuzathethwa khona icala lakhe. Uzathonisiswa evela ngekhaya.

Igqwetha lakhe uMnu Paidamoyo Saurombe utshele iStudio 7 ukuthi ngokubona kwakhe, akulasidingo sokuthi uNkosikazi Sikhala amiswe emthethwandaba ngoba icala aletheswayo kulicala elincane ayemele alihlawuliselwe ifayindi ngamapholisa.

Amazwi kaSaurombe agcizelelwe lilunga leCCC uMnu Abednico Bhebhe yena othi lokhu yikuhluluzwa nje kwamalunga ebandla lakhe.

please wait

No media source currently available

0:00 0:02:50 0:00

Lanxa lelibandla lisithi ukubotshwa kukaNkosikazi Sikhala yikuhlukuluzwa, isikhulumeli samapholisa uMnu Paul Nyathi wethule umbiko esithi uNkosikazi Sikhala ungomunye nje wabantu abangamatshumi ayisitshiyangalombili lanye, 81, asebebotshelwe amacala okwephula imithetho yemigwaqo kumkhankaso oqhutshwa ngamapholisa kulezinsuku.

Kusenjalo, umthethwandaba weHigh Court ngoLwesine wesule isigwebo esetheswa osakhulayo weCCC uMnu Makomborero Haruzivishe kanye lokufunyanwa kwakhe elecala lokuphazamisa ukuthula ngokutshaya impembe.

Wabotshwa wahlala ejele okwenyanga ezilitshumi wasekhululwa nge-bail.

Facebook Forum

XS
SM
MD
LG