amalinks wokungena

Breaking News

UChamisa Uxwayisa Amasotsha Ukuthi Engangeneli Kundaba Zombusazwe


Zimbabwe Political Turmoil
Zimbabwe Political Turmoil

WASHINGTON DC - Umkhokheli webandla leCCC uMnu Nelson Chamisa ngoMvulo uxwayise abezomvikela abagoqela amasotsha lamapholisa kanye lezisebenzi zikahulumende jikelele, ukuthi beqhube umsebenzi wabo bengathathi hlangothi kwezombusazwe.

Amazwi kaChamisa la, awethule enkundleni yeTwitter, aza ngesikhathi ilizwe lilungiselela ukhetho lokudinga amakhansila, amalunga edale lephalamende kanye loMongameli welizwe, olukhangelelwe ukwenziwa ngoNtulikazi kumbe ngoNcwabakazi.

Uthe abezomvikela kumele bazinikele babe ngabantu abathembekileyo kuzulu weZimbabwe hatshi ukungenela kwezombusazwe. Wengeze wathi ubunzima uzulu abhekane labo buzaphela ibandla lakhe linganqoba kukhetho.

Eminyakeni edluleyo, inkokheli yebutho isike yethula amazwi okuthi ayisoze ivumele umkhokheli webandla eliphikisayo engena embusweni alubana ethe wanqoba kukhetho.

Ingcwethi kwezombusazwe uDr. Jethro Mpofu utshele iStudio 7 ukuthi amazwi kaChamisa alokuhlakanipha phakathi. Kodwa uthe kumele akhuthaza labasekeli beZanu PF ukuthi bevotele inguquko nxa efuna ukunqoba.

please wait

No media source currently available

0:00 0:02:57 0:00
‚Äč
XS
SM
MD
LG