WASHINGTON DC - Uhulumende uthi usediliza izikotsho lezindlu ezakhiwe endaweni ezingamaxhaphozi eHarare, ezaziwa ngokuthi ngama-wetlands ngesingisi.
Kumbiko awethule ngoLwsithathu, uhulumende uthe uzulu kumele abekwazi ukuthi amaxhaphozi zindawo ezivikelwe yimithetho ephatha ezemvelo, ngakho akumelanga kwakhiwe kuzo, kujejwe izikotsho kumbe kuqhutshwe inhlelo zokulima.
Uxwayise njalo ukuthi labo abangaba besipha abantu imvumo yokwakha emaxhaphozini, okugoqela iziphathamandla zakhe uhulumende kumbe ezamakhansili zizaphathwa ngengalo yomthetho olukhuni.
Ukwakhiwa kwezindlu emaxhaphozini yinto ebhahileyo eHarare. U
Isiphathamandla senhlanganiso ephatheke kwezemvelo njalo elwela amalungelo oluntu eyeMatabeleland Institute for Human Rights, uMnu Khumbulani Maphosa, utshele iStudio 7 ukuthi lanxa evumelana lohulumende, kumele adingele abantu abazaxotshwa emaxhaphozini indawo zokuhlala kuqala.
