Minengi imikhuhlane ehlasela inkomo ikakhulu ngalesisikhathi lapho okuna khona izulu elinengi lamadlela lawo eseluhlaza.
Imikhuhlane le igoqela oweHeartwater, loweFoot and Mouth lommkhuhlane womkhono.
Ingcwethi zithi imikhaza ngenye yembangela yemikhuhlane enkomeni, ngakho zithi kuqakathekile ukuthi abalimi bahlale bedibhisa inkomo zabo.
“Imikhuhlane evamileyo ngeyemikhaza ngoba nxa sokusiba lotshani obunje imikhaza isuke ibe minengi,” kutsho ingcwethi kwezokulima uMnu Ronnie Sibanda.
“Sokusitsho ke ukuthi umlimi kumele anqineke ngokubona ukuthi inkomo ziyadibha ngeviki ngeviki.”
USibanda uthe njalo inkomo zinganona kakhulu, kuba lula ukuthi zihlaselwe yimikhuhlane efana lowomkhono.
“Kunjenje nxa zinona ngenxa yokuthi utshani sobukhona, ziyanona zibe sezisiba lomkhuhlane womkhono. Abanye bajayele ukuthi yiBlack leg,” kutshi uSibanda.
“Kathesi njengoba zinona inkomo kuqakathekile ukuthi abalimi bazihlabe. Bangahamba nje ezitolo ezithengisa imithi yenkomo bathi bafuna umuthi womkhono.”
