WASHINGTON DC – Usibalukhulu webhanga elikhulu lelizwe, eleReserve Bank of Zimbabwe, uMnu John Mangudya uthi kusukela namuhla imali yakwamanye amazwe isithengiswa emabhanga elizweni lonke jikelele kusetshenziswa intengo elawulwa ngumkambo wemali ozimeleyo hatshi leyo ebihlelwa libhanga lakhe ebingahambelani lomumo wokudilika komnotho.
Imali yakwamanye amazwe, ikakhulu eyaseMelika ibithengiswa yiRBZ ngentengo ebiyihlela maviki wonke futhi ebiphansi kuleyomkambo wensitha lapho idola laseMelika elilodwa eselithengwa khona ngenkulungwane zamadola aseZimbabwe edlula amane, Z$4,000 kusiya kuZ$5,500.
Emkambo kahulumende ngeviki edluleyo iRBZ ibithengisa idola lakweleMelika elilodwa ngamadola azinkulungwane ezimbili ezilengxenye, Z$2,500 kodwa izolo beselithengiswa ngenkulungwane ezedlula ezintathu, Z$3,600.
Lokhu kutsho ukuthi phakathi kweviki kuphela, idola leZimbabwe lilahlekelwe luhlonzi lwamadola ayinkulungwane, Z$1,000.
Ukugugudeka kwemali yezimbabwe kuza ngesikhathi sokhetho. Amabandla aphikisayo athi lokhu kuveza sobala ukuthi iZanu PF isiyehlulekile; ngakho kumele isuswe embusweni.
Kodwa yona iZanu PF ithi umnotho udonsa kuhle futhi isola osomabhizimusi isithi bakhweza intengo kungelasidingo kanti njalo ithi abanye befuna inqotshwe kukhetho.
Isiphathamandla senhlanganiso emela abathengi eyeNational Consumer Rights Association uMnu Effie Dlela Ncube uthi iRBZ kwakumele ithathe amanyathelo la kudala, ngokunjalo uthi akaboni eletha ukuzinza okugcweleyo kwezenotho.
Your browser doesn’t support HTML5
Ingxoxo loMnu Effie Dlela Ncube
Amazwi kaNcube agcizelelwe ngusomabhizimusi oyisiphathamandla senhlanganiso yeBulawayo Vendors and Traders Association uMnu Aleck Ndlovu.
Your browser doesn’t support HTML5
Ingxoxo loMnu Aleck Ndlovu