amalinks wokungena

Breaking News

Bayanda Abafundi Ababanjwa Umkhuhlane weCovid-19 Ezikolo Suku Ngosuku


Schoolchildren wait to enter their school in Harare, Zimbabwe, Monday Sept, 28, 2020. Zimbabwe schools have reopened in phases, but with smaller number of pupils, more teachers and other related measures to enable children to resume their education withou

WASHINGTON DC - Ugatsha lwezempilakahle luthi kulabafundi abangamakhulu phose ambili, 175, ababanjwe iCovid-19 eZimbabwe izolo.

NgoLwesibili kubanjwe abafika phose ikhulu, 95. Amanani la aveza sobala ukuthi lumkhuhlane usumemetheka ngamandla ezikolo.

Phakathi kwabatholakale belomkhuhlane lo izolo, abangu-94, ngabeMatabeleland North kuthi abangamatshumi phose ayisikhombisa, 67, ngabezikolo zeMasvingo.

Abangamatshumi amane lanye, 41, ngabeManicaland njalo abayisikhombisa, 7, ngabeMashonaland West.

Inani labo bonke ababanjwe iCovid-19 izolo ledlula amakhulu ayisithupha, 609.

Lanxa isikhulumeli sogatsha lwezemfundo uMnu Taungana Ndoro esithi baphakathi kwemizamo yokuvimba ukumemetheka kwalumkhuhlane ezikolo, inhlanganiso yababalisi iProgressive Teachers Union of Zimbabwe(PTUZ) ithi akulalutho olwenziwa nguhulumende olukhankayo.

Isiphathamandla salinhlanganiso uNkosikazi Nokuthula Hlabangana utshele iStudio 7 ukuthi impilo zababalisi labafundi sezisengozini enkulu.

please wait

No media source currently available

0:00 0:03:13 0:00

Facebook Forum

XS
SM
MD
LG