amalinks wokungena

Breaking News

Abanqobe Kukhetho Bathi Bazasebenza Nzima Bathuthukise Inhlalakahle Kazulu


UMnu Nelson Chamisa loMongameli Emmerson Mnangagwa

WASHINGTON DC – Abasanda kukhethwa ukuba ngamalunga ephalamende lamakhansila kukhetho lwamaby-elections bathi bazasebenza nzima bathuthukise impilo kazulu.

Phakathi kwezihlalo zephalamende ezingamatshumi amabili lasitshiyangalombili, 28, ibandla likaMnu Nelson Chamisa eleCitizens Coalition for Change (CCC) lithole ezilitshumi lasitshiyagalolunye, 19, kwathi eleZanu PF lathola eziyisitshiyagalolunye, 9.

Ezimbili zazo, ezibalisa eseEpworth leseMutasa South zaziphethwe libandla leMDC Alliance lingakabi yiCCC.

Ngamanye amazwi ibandla likaChamisa lilahlekelwe yizihlalo ezimbili ephalamende. Ezinye zazivele zisezandleni zeZanu PF.

Kukhetho lwamakhansila ibandla likachamisa lithethe njalo izikhundla ezinengi. Ukhansila weCCC omutsha okuWard 8 koBulawayo uMnu Edwin Ndlovu uthi uzaqakathekisa inhlelo zentuthuko.

please wait

No media source currently available

0:00 0:04:23 0:00

Owake waba nguMayor weGwanda elilunga leCCC laye, uMnu Jaston Mazhale, yena onqobe wabuyela esikhundleni sakhe sokuba ngukhansila kaWard 7 utshele iStudio 7 ukuthi laye ukhangelele ukuthuthukisa iWard yakhe kungakayiwa kukhetho lwezwe lonke ngo2023.

please wait

No media source currently available

0:00 0:02:54 0:00

Ilunga leZanu PF uMnu Joeph Tshuma uthi bayathokoza ngempumela yokhetho nanku bahluthune ezinye izikhundla ebezisezandleni zamabandla ephikisayo.

please wait

No media source currently available

0:00 0:04:27 0:00

Ibandla likaMnu Douglas Mwonzora, eleMDC-T lona alitholanga lutho. UMwonzora ukhangelelwe ukwethula umbiko namuhla phezu kwaloludaba.

Lokhu kuza ngesikhathi iphephandaba leNewsDay libika ukuba iMDC Alliance ingaba isixotshe uMwonzora phezu kokwehluleka kwalumamyano ukuthola isikhundla ngitsho lesisodwa nje kuphela.

Lanxa istudio 7 ingeke yabufakaza ubuqotho balumbiko, isikhulumeli seMDC-T uMnu Witness Dube utshele lumsakazo ukuthi basadingisisa ukuthi incwadi ekhuluma ngokuxotshwa kukaMwonzora esenkundleni zokuxhumana ivele ngaphi kahle-kahle.

UDube uthi ibandla lakhe selixotshise amanye njalo amalunga ephalamende alitshumi lasithupha, 16, libethesa icala lokusebenza loChamisa.

Kodwa uthi akusoze kwenziwe amaby-elections ngoba kuxotshwe labo abakhethwa libandla phansi kohlelo lwe-proportional representation, hatshi abavotelwayo.

Ukuhlaziya impumela yokhetho lolu sixoxe lengcwethi kwezombusazwe uMnu Effie Dlela Ncube yena othi amabandla abalisa eleZanu PF leleCCC kuzamele esebenze gadalala nxa efuna ukuthola usekelo olunengi kukhetho luka2023.

please wait

No media source currently available

0:00 0:03:15 0:00

Facebook Forum

XS
SM
MD
LG