amalinks wokungena

Breaking News

UBiden Welule Izijeziso Ngosuku Lunye Isithunywa Sakhe Sifika eZimbabwe Ukuyakhulumisana Lohulumende


Biden US Poland
Biden US Poland

WASHINGTON DC - UMongameli weMelika uMnu Joe Biden ngoLwesithathu uqhelise ngomunye njalo umnyaka izijeziso zenotho ezetheswa uMongameli Emmerson Mnangagwa lezinye iziphathamandla zeZanu PF nguhulumende weMelika ebethesa umlandu wokwephula amalungelo oluntu.

UBiden wenze lokhu ngosuku lunye isithunywa sakhe, uAmbassador Robert Scott, efike eZimbabwe ukuyakhulumisana leziphathamandla zikahulumende kaMnangagwa ngokutshiyeneyo okugoqela udaba lokuhlonitshwa kwamalungelo phambilini kokhetho.

UScott uthe uzakhulumisana njalo labenhlanganiso ezizimeleyo, abamabandla aphikisayo kanye labenhlangothi ezitshiyeneyo.

The United States of America (USA) Deputy Assistant Secretary in the Bureau of African Affairs, Ambassador Robert Scott
The United States of America (USA) Deputy Assistant Secretary in the Bureau of African Affairs, Ambassador Robert Scott

Kumbiko awethule ngoLwesithathu, uBiden uthe uMnangagwa ulokhe esiya phambili ngokuhlukuluza abamabandla aphikisayo, intathelizindaba kanye labalwela amalungelo kazulu.

Uthe njalo umbuso okhululekileyo awulandelwa eZimbabwe. Ngakho, uMongameli Biden uthe izijeziso lezi zizaqhubeka zikhona.

"UMongameli Emmerson Mnangagwa akakenzi inguquko edingakalayo kwezombusazwe kanye lakwezenotho okungenza kube lesidingo sokuthi kwesulwe izijeziso ezikhona," kutsho uBiden.

"Emnyakeni wonke odluleyo, abezomvikela bebehlala besethusela abantu njalo bebancindezela ngodlakela, abagoqela abamabandla aphikisayo, abenhlanganiso zezisebenzi kanye lezintatheli.

"Ukungabikhona kwengqubelaphambili kunguquko ebalulekileyo edingakalayo ekuhlonitshweni komthetho, umbuso okhululekileyo lokuvikelwa kwamalungelo, kutshiya abantu beZimbabwe besengozini yoncindezelo eqhubekayo kanti njalo kuyingozi engaphazamisa ukuthula emhlubulweni (weSouthern Africa)," kutsho uMongameli Biden

Inyathelo leMelika lilandela elomanyano weEuropean Union, wona oqhelise ezawo izijeziso ngoLwesibili.

EU Election Observers
EU Election Observers

Izijeziso zeEU zivimba amazwe akulumanyano ukuthengisela eleZimbabwe izikhali njalo zithinta inkampani kahulumende elungisa izikhali eyeZimbabwe Defense Industries.

I-EU layo ithi uMnangagwa ulokhe esephula amalungelo oluntu njalo wethula imithetho encindezela uzulu wfana loweData Protection Act kanye loweProvate Voluntary Organizations Bill, wona osumelele ukusayinwa nguMnangagwa.

Kodwa ilunga leZanu PF uMnu Joseph Tshuma ukulandule lokhu esithi okwenza iMelika leEU ziqhubeke ngezijeziso yikuthi zilokhe zithukuthele phezu kokuthathelwa kwabamhlophe amapulazi nguhulumende ewapha abensundu.

please wait

No media source currently available

0:00 0:02:00 0:00

Isiphathamandla sebandla eliphikisayo eleCCC eMelika uMnu Tim Muringai utshele iStudio 7 ukuthi uMnangagwa labanye bakhe kuZanu PF yibo abazokhela amalahle ngokwephula amalungelo kazulu.

please wait

No media source currently available

0:00 0:02:19 0:00
‚Äč
XS
SM
MD
LG